The word on the street is that APNU throw out de Brigadier idea ‘bout a female running mate. The WPA seh dey want Rupert. Deh seh he fit de bill… bright, experienced, intellectually appealing and more fire in e belly dan de Brigadier……..And to besides deh want ethnic balance in de Cabinet. It appears not to have occurred to anyone that Guyana has never, not in its forty five years as an independent country, had an East Indian Prime Minister. Is time we get one now!
The other night at the Square of the Revolution Rupert set de place pon fire. The applause for him registered nearly ten on the Richter scale. “He was powerful,” some people who went to the Square of the Revolution said. Apparently when Rupert hit he straps a lil group uh people start chantin “Rupert fuh President.” De PNCR people had to tell dem dem don’t carry deh jokes suh far.
A man seh we could have two President jus like de Ivory Coast had two President ‘till deh arrest Gbagbo in he singlet alone fuh riggin de elections.
Word is that Sophia vex wid Rupert. Deh seh he de going good, good good wid e speech at de Revolution Square ‘till he up and invite some of the PPP comrades to join up with APNU. Sophia seh dat aint gun wuk. Sorry, no room at the Inn! Wuh gun happen when time come fuh de share out minister wuk? If half de APNU Cabinet gun be de same set a PPP people wuh gun lef fuh de boys and girls at Sophia. Forget it Rupert. Leh de PPP/C comrades stay outa dis! Dey had deh turn. Is not a free for all! After all we got Basil and Debbie and de new boy James Bond and Amna Ally and Lance Carberry. Dat list alone gat three Lawyer pon it and is only one Attorney General de country could have. Lord help us!”
Den yuh gat people like Keith Scott and Everall Franklin who can’t even draw votes but dey gun still want minister wuk. Den yuh gat de Brigadier soldier boys who gun gat to get a lil something. Den Civil society. And even de private sector might jump ship and want a lil squeeze. Den after de odda night at de Revolution Square deh callin David Hinds name fuh be a minister .. People even sehin Ramjattan might want a deal after elections. Deh seh at de very least Ramjattan gun want something fuh he self, something fuh Raphael and something fug Sheila. DAT IS THREE MORE MINISTA WUK GONE! WHAT GUN LEF FUH DE COMRADES AT SOPHIA?
Now we have to be careful here. De last ting we need is to have to guh back to the days of half dozen Deputy Prime Minister and Vice President and Minister who aint gat no portfolio. Some people gun just have to be satisfied with Parliamentary Secretary positions which will give dem some measure of status with little or nothing to do…….and we could always wuk up couple Ambassador post fuh dem who aint get nuttin in de Republic.
But don’t tek worries wid dem PPP boys, Rupert. Dey gat deh own plans. Dem aint hand to mouth, yuh know.
